नाशिक जिल्ह्यातील इगतपुरी तालुक्यात वसलेले टाकेद बुद्रुक हे छोटेसे सुंदर गाव असुन. टाकेद गावातील अनेक जाती धर्मातील लोक गुण्यागोविंदाने राहतात या गावाला रामायण कालीन जटायू मंदिरामुळे ऐतिहासिक ओळख असून सर्वतीर्थ या नावाने ओळखले जाते. टाकेद गाव हे बाजारपेठेचे गाव असल्यामुळे आसपासच्या अनेक वाड्यावस्त्यां वरील लोक या गावात बाजारानिमित्त  येत असतात. टाकेद बु. ग्रामपंचायतीला एकूण ४ महसुली गावे आहेत १)टाकेद बु. २)बांबळेवाडी , ३)घोडेवाडी व ४) शिरेवाडी

टाकेद बुद्रुक येथील सर्वतीर्थ हे प्रसिद्ध क्षेत्र महाराष्ट्रभर परिचित आहे.त्याचबरोबर टाकेद येथून जवळच्या अंतरावर महाराष्ट्रातील उंच शिखर कळसुबाई, विश्रामगड (पट्टा किल्ला) , सिद्ध भैरवनाथ मंदिर, खेड इत्यादी तीर्थक्षेत्र आहे.

*ग्रामपंचायत कार्यालय :- सर्व सुविधांनी परिपूर्ण असे अद्यावत ग्रामपंचायत कार्यालय कार्यान्वित असून संपूर्ण कामकाज संगणकीय पद्धतीचे आहे.

* शैक्षणिक संस्था बाबत माहिती  :-  गावात जिल्हा परिषद शाळेची संख्या : ३ आहेत , ८ अंगणवाड्या ,१ आश्रमशाळा व १ माध्यमिक शाळा आहे.

*

*आरोग्य उपकेंद्र  :- टाकेद  बु. येथे आरोग्य उपकेंद्र कार्यरत असून तालुका आदिवासी असल्यामुळे आदिवासी नागरिकांची संख्या मोठ्या प्रमाणात आहे त्यामुळे आदिवासी व  इतर नागरिकांना आरोग्य उपकेंद्रातून  सर्व आरोग्य सेवा उपलब्ध करून देण्यात येत असतात.  सदर आरोग्य उपकेंद्राच्या  वतीने कोविड कालावधी मध्ये रुग्णांना चांगल्या प्रकारे सेवा  दिलेली असून कोविड लसीकरणचे मोठ्या प्रमाणात नागरिकांना लसीकरण करून कोविड पासून नागरिकांचा बचाव करण्यात आला आहे. तसेच गरोदर माता व बालकांच्या आरोग्य विषयी लक्ष दिले जाते.

*पाणीपुरवठा:- टाकेद बु. व महसुली गावे बांबळेवाडी ,घोडेवाडी व शिरेवाडी येथे पाईपलाईन द्वारे पाणीपुरवठा केला जातो.  

*घंटागाडी:- गावातील ओला-सुका कचरा ग्रामपंचायतच्या घंटागाडी मार्फत उचलला जातो.तसेच घंटागाडी घरोघरी फिरून कचरा गोळा केला जातो.