Activities2 – ग्रामपंचायत टाकेड बुद्रुक

🌱 गावामध्ये दैनंदिन विविध उपक्रम राबवले जातात.

Hello world!

September 12, 2025 | by costusconsultancy

Welcome to WordPress. This is your first post. Edit or delete it, then start writing!

सोलर लाईट सुविधा

टाकेद बुद्रुक ग्रामपंचायतीने पर्यावरणपूरक आणि ऊर्जा बचतीचा विचार करून गावातील विविध सार्वजनिक ठिकाणी सोलर लाईट बसविले आहेत. रस्ते, चौक, अंगणवाड्या आणि सार्वजनिक वापराच्या इमारती याठिकाणी सौरऊर्जेवर चालणारे दिवे कार्यान्वित आहेत. या सोलर लाइट्समुळे विद्युत खर्चात बचत होऊन गाव रात्र काळातही सुरक्षित व प्रकाशमान झाला आहे.

पाईपलाईन द्वारे घरोघरी पाणीपुरवठा

टाकेद बुद्रुक ग्रामपंचायत अंतर्गत टाकेद बु., बांबळेवाडी, घोडेवाडी व शिरेवाडी या सर्व महसुली गावांमध्ये पाईपलाईनद्वारे नियमित व शुद्ध पाणीपुरवठा केला जातो. या योजनेमुळे ग्रामस्थांना दररोज स्वच्छ पाणी घरपोच मिळत असल्याने पाणी टंचाई, पाण्यासाठीची भटकंती व आरोग्यविषयक समस्या कमी झाल्या आहेत. नळधारकांचे प्रमाणही वाढले असून पाणीपुरवठा ही ग्रामपंचायतीच्या यशस्वी सेवा योजनांपैकी एक ठरली आहे.

घरकुल योजना

टाकेद बुद्रुक ग्रामपंचायतीने केंद्र व राज्य शासनाच्या विविध घरकुल योजनांच्या माध्यमातून गरजू व अल्प उत्पन्न गटातील नागरिकांसाठी घरकुल बांधणी करून दिली आहे. प्रधानमंत्री आवास योजना, रमाई आवास योजना आदी योजनांद्वारे पात्र लाभार्थ्यांना स्वतःचे पक्के निवासस्थान मिळाले आहे. त्यामुळे गावातील कुटुंबांचे राहणीमान सुधारले असून, घर ही मुलभूत गरज पूर्ण करण्यात मोठे यश मिळाले आहे.

भूमिगत गटार बांधकाम

गावातील स्वच्छता व सांडपाण्याचे व्यवस्थापन सुनिश्चित करण्यासाठी टाकेद बुद्रुक ग्रामपंचायतीने भूमिगत गटार योजना प्रभावीपणे राबवली आहे. या योजनेअंतर्गत गावातील मुख्य व उपरस्त्यांवर सांडपाणी वाहून नेणाऱ्या बंदिस्त गटारांची निर्मिती करण्यात आली आहे. यामुळे रस्त्यांवर सांडपाणी साचणे, दुर्गंधी व रोगराई टळली असून, स्वच्छ व आरोग्यदायी वातावरण तयार झाले आहे.